مقدرش أعيش بعيد عليك..
تقول ليش ??
وليش الحياه بغيبتك متحليش
لَمَّنْ تغيب.. تغيب شمس فجري
بعدك ونجم الليل ما يِضويش!!
أتشوقك لو غبِتْ عن عيوني ـ
ليله ونفسي بالبعاد مترضيش…
يلومني شوقي إليك وصبري ـ
يصيح يا أشوااااق ما شَرَاعٌيش..
ــــــــــــ
يا حضن أحلامي ويا بَرودي..
ياعطر زهري يا ندى الغباشيش..
لو يسكبوا كم بسكبوا لقلبي..
من الحلا والحُسن ما يساويش…
حبك غصون قلبي وأعشاش روحي…
وانته سمائي والجناح والريش..
وانته الذي تروي ظما فؤادي..
وحدك.. وغيرك ياحبيب ميرويش
ــــــــــ
لَمْلًمْتًنِي وداويت جرح قلبي..
لنته نسيت.. عمري انا مشنسيش..
وأسقيتني شسقيك من عيوني..
ومهما رويت بالدمع ما شَوّفِيش..
وأعطيتني شعطيك كل عمري…
لكن ..
أخاف..
عمري أنا ميكفيش..